यंदाच्या निवडणुकीत दिव्यांग, ज्येष्ठ मतदारांना ‘सक्षम ॲप’ ठरणार मदतगार…
पालघर:- (प्रतिनिधी):- सुशांत संखे बोईसर| आगामी लोकसभा निवडणुकीत निवडणूक आयोगाने तयार केलेले ‘सक्षम’ नावाचे मोबाइल ॲप दिव्यांग आणि वयोवृद्ध मतदारांना (८५ वर्षे व त्यापेक्षा अधिक) मतदान करण्यासाठी साहाय्य करणार आहे.दिव्यांग व वयोवृद्ध मतदारांना सक्षमॲपद्वारे मतदानासाठी लागणाऱ्या साहाय्याची मागणी नोंदवावी लागेल.असे आवाहन जिल्हाधिकारी तथा जिल्हा निवडणुक अधिकारी गोविंद बोडके यांनी केले आहे.
दिव्यांग मतदारांकरिता आयोगाने तयार केलेले सक्षम ॲपवर विविध सुविधा दिल्या आहेत. या सुविधेचा लाभ घेण्यासाठी सर्व प्रथम दिव्यांग मतदारांनी आपल्या मोबाइल मध्ये सक्षम ॲप डॉऊनलोड करून घ्यावा. निवडणूक संदर्भात सेवा घेण्याकरिता दिव्यांग व वयोवृद्ध मतदारांनी त्यांचे नाव, पत्ता व मोबाईल क्रमांक ई. माहिती ॲप मध्ये भरावी दिव्यांग व वयोवृद्ध जेष्ठ नागरिकांना या सक्षम ॲपद्वारे मतदाना दिवशी मतदानासाठी लागणाऱ्या सहाय्यतेची मागणी नोंदविता येईल, त्याद्वारे मतदार संघातील दिव्यांग आणि वयोवृद्ध मतदारांना त्यांच्या मतदानाचे मतदार संघ व स्थाननिश्चिती यंत्रणेला करणे शक्य होईल. त्याद्वारे मतदारसंघातील दिव्यांग व वयोवृद्ध मतदारांचे मतदारसंघ व स्थाननिश्चिती यंत्रणेला करणे शक्य होईल. त्यानुसार वाहतूक व्यवस्था, व्हीलचेअर, सहायक इ. पोहोचविण्याची व्यवस्था निवडणूक यंत्रणा करील.
या ॲप मध्ये मोठे फॉन्ट आणि उच्च कॉन्ट्रास्ट रंग असल्यामुळे दिव्यांगासाठी वापर करणे सोपे होईल. यामध्ये मतदान केंद्राबद्दल माहिती उपलब्ध असून ज्यामध्ये आपले मतदान केंद्राचे स्थान, मतदान केंद्र, उपलब्ध प्रवेश योग्यता आणि अधिकारी संपर्कांचा तपशिलाचा समावेश आहे. दिव्यांगांना निवडणूक प्रक्रियेत सहभागी होताना येणाऱ्या कोणत्याही समस्याबद्दल ॲप वर कोणत्याही तक्रारी नोंदवता येतील. दिव्यांगांना निवडणूक प्रक्रियेत सहभागी होण्यासाठी सक्षम ॲप हे महत्वाचे असून वापरण्यास सोपा आहे. ज्यामुळे दिव्यांगांना व जेष्ठ नागरिकांना मतदान करण्यासाठी नोंदणी करणे, त्याचे मतदान केंद्र शोधणे आणि त्यांचे मत देणे सोप होइल. पालघर जिल्यातील सर्व दिव्यांग व्यक्ती व वयोवृद्ध नागरिकांनी सक्षम ॲप आपल्या मोबाईल मध्ये डाऊनलोड करून यामध्ये आवश्यक असणाऱ्या सुविधांचा लाभ घ्यावा असे आवाहन जिल्हाधिकारी तथा जिल्हा निवडणूक अधिकारी गोविंद बोडके यांनी केले.
