एमएसएमई क्षेत्र निर्यात प्रचालन जागरुकता कार्यक्रम* १९ डिसेंबर रोजी भागधारकांसोबत एकदिवसीय कार्यशाळा
धाराशिव, दि.१७ (प्रतिनिधी) :- राज्यासाठी महत्वपूर्ण योगदान देणाऱ्या एमएसएमई (MSME) क्षेत्रावर अधिक भर देऊन त्यांची कार्यक्षमता व उत्पादकता वाढविणे, राज्यात उद्योजकीय वातावरण अधिक व्यापककरन रोजगार, स्वयंरोजगार संधी मोठ्‌या प्रमाणात निर्माण करणे,निर्यातवृध्दीस चालना देण्यासाठी तसेच उ‌द्योगाच्या विकासाकरीता राज्य तसेच केंद्र शासनाचे विविध विभाग त्यांचे उपक्रम व योजना उद्योग संचालनालयाकडून राज्यात राबविण्यात येत आहे.
राज्यामध्ये निर्यात क्षेत्रास प्रोत्साहन देण्यासाठी तसेच रोजगार निर्मितीचे लक्ष्य साध्य करण्यासाठी आणि निर्यात वाढीला प्रत्येक जिल्हयाला उत्तरदायी बनवण्यासाठी राज्याकडून केंद्र शासनाच्या जिल्हा हे निर्यात केंद्र ( District as Export Hubs ) उपक्रमाला प्रोत्साहन देण्यात येणार आहे.उद्योग विभागामार्फत ” Export Promotion Workshop ” बाबत एक दिवसीय कार्यशाळेचे आयोजन करण्यात आले आहे.जिल्ह्यातील एकदिवसीय कार्यशाळा १९ डिसेंबर २०२४ रोजी जिल्हा नियोजन समिती सभागृह मध्यवर्ती प्रशासकीय इमारत,धाराशिव येथे सकाळी ९.३० ते दुपारी २ वाजता दरम्यान आयोजित करण्यात येत आहे.या चर्चासत्राचे नियोजन विकास आयुक्त (उद्योग) यांच्या मार्गदर्शनात तसेच जिल्हाधिकारी यांचे अध्यक्षतेत व छत्रपती संभाजीनगर विभागाचे उद्योग सहसंचालक बी.टी.यशवंते यांच्या प्रमुख उपस्थितीत करण्यात येत आहे.
या एकदिवसीय कार्यशाळेसाठी सुक्ष्म,लघु,मध्यम उपक्रम घटक, निर्यातदार,निर्यातक्षम उद्योजक, नवउद्योजक,औद्योगिक संस्था व संघटना,औद्योगिक समूह,शेतकरी सहकारी संस्था व उत्पादक,प्रक्रिया उत्पादक,केंद्र व राज्य शासनाचे तसेच संबंधित उपक्रमाचे अधिकारी, जिल्हा निर्यात प्रचालन समितीचे सदस्य,निर्यात संबंधी कामकाज करणारे घटक,संशोधक,बँकांना आमंत्रित करण्यात आले आहे.या कार्यशाळेचा सर्व भागधारकांनी लाभ घ्यावा,असे आवाहन महाव्यवस्थापक,जिल्हा उद्योग केंद्र अमोल बळे यांनी केले आहे .
